1 sentyabrdan ixtisoslashtirilgan sport maktablari xodimlariga har oy 100 foizgacha ustama toʼlanadi

Bu 22 iyunь kuni qabul qilingan Prezident farmonida koʼzda tutilgan. Farmonga koʼra, 2024 yil 1 sentyabrgacha:

• ixtisoslashtirilgan sport maktablarida ikkinchi xorijiy tilni oʼrgatish yoʼlga qoʼyiladi;
• har bir tuman va shahardan kamida 3 tadan eng namunali davlat maktabgacha taʼlim tashkilotlari tanlab olinib, gimnastika xonalari tashkil qilinadi.

Ixtisoslashtirilgan sport maktablarida:

• taʼlim jarayoni oʼquvchilar soni 12 nafardan 24 nafargacha sinflarda amalga oshiriladi;
• oʼquvchilarining umumiy cheklangan soni 168 nafar etib belgilanadi.

Shuningdek, ixtisoslashtirilgan sport maktablari oʼquvchi-sportchilari Oʼzbekiston chempionati va kubogi musobaqalarida alohida jamoa sifatida toʼgʼridan-toʼgʼri ishtirok etadi.