Qanday holatda sinf ikkiga boʼlib oʼqitiladi?

Vazirlar Mahkamasining 2017 yil 15 martdagi 140-son qarori bilan tasdiqlangan «Umumtaʼlim maktabi toʼgʼrisida»gi nizomning 29-bandiga muvofiq malakali oʼqituvchilar yetarli boʼlgan quyidagi hollarda sinfdagi oʼquvchilarni IKKI GURUHga boʼlib oʼqitishga ruxsat etiladi:

Oʼquvchilar soni 25 nafar va undan ziyod boʼlgan umumiy oʼrta taʼlim muassasalarining:

• 1-11 sinflarida «Chet tili» fani
• ayrim fanlarga ixtisoslashtirilgan umumiy oʼrta taʼlim muassasalarida ixtisoslashgan fanlar
• 5-11-sinflarda «Informatika va axborot texnologiyalari»,
• 8-11-sinflarda «Jismoniy tarbiya»
• 5-9- sinflarda «Texnologiya»
• 10-11-sinflarda «Chaqiruvga qadar boshlangʼich tayyorgarlik» fanlari
• taʼlim tili oʼzbek tili boʼlmagan umumiy oʼrta taʼlim muassasalarining 2-11 sinflarida «Oʼzbek tili» fani hamda taʼlim tili rus tili boʼlmagan umumtaʼlim muassasalarining 2-11 sinflarida «Rus tili» fani.